Компанијата „Nissan“ конечно покажа официјални фотографии и откри информации за новиот кросовер „Kicks“, чија продажба ќе стартуваат уште овој месец.
Автомобилот речиси го повторува истоимениот концепт, кој беше прикажан на саемот во Сао Паоло во 2014-та. Серискиот „Nissan Kicks“ добил „V“ облик на решетка на ладилникот, атлетски форми и каросерија во две бои.
Димензиите на кросоверот се должина од 4295 мм, ширина од 1760 мм, висина од 1590 мм и растојание помеѓу двете оски од 2610 мм. Така „Kicks“ е малку поголем од „Nissan Juke“, чија алтернатива всушност ќе претставува. Во случајот идејата на авторите на моделот е да се привлечат овие клиенти на брендот, на кои „Juke“ не им се допаѓа.
Од компанијата продолжуваат да ги кријат техничките карактеристики на моделот, сепак ветуваат да ја откријат моторната гама при стартот на продажбата. Неофицијално се тврди дека кросоверот ќе има 1,6-литарски бензински мотор со 110 КС, кој ќе може да се комбинира со 6-брзински мануелен менувач или со вариатор.
За моделот е достапен кожен салон, стартување на моторот со копче, електрично регулирање на ретровизорите, систем за стабилизација, електрично управување на прозорците, климатизација и информациско-забавен систем со 7-инчен дисплеј.
Во оваа година „Nissan Kicks“ ќе се нуди само на пазарот во Бразил, а во 2017-та година ќе се појави во вкупно 80 земји во целиот свет. Стартот на продажбата е предвиден за август кога во Рио де Жанеиро ќе се одржат Летните олимписки игри. Кросоверот е официјалниот автомобил на на овој настан.
