Лестер Сити ја освои Премиер лигата два круга пред последниот натпревар, постигнувајќи едно од најголемите достигнувања во историјата на спортот.
Поминаа цели повеќе од две декади откако ниту еден тим, различен од Арсенал, Челзи, Манчестер Сити или Манчестер Јунајтед, ја нема освоено титулата во Англија. Волшебната историја на „лисиците“ покажува дека спортскиот успех секогаш може да се купи.
Се разбира, и претходно сме биле сведоци на триумф на аутсајдери. Едно е сепак да постигнеш успех во едно натпреварување во серија од 4 натпревари, дури и во едномесечен турнир. Друго е да го направиш тоа во рамките на 38 натпревари и 10 месеци, така што ќе играш со секој конкурент на два пати – на свој и гостински терен.
Подемот на Лестер навистина беше олеснет од падот на големите, но во никој случај не е „приликата да дојдеш до титулата преку задниот влез“. „Лисиците“ се искачија на 1-вото место на табелата во ноември и, со исклучок на една недела во јануари, останаа на врвот до крајот на сезоната.
Повеќе од јасно е дека станува збор за аутсајдер. Во август букмејкерите дадоа коефициент 5.000: 1 за титула на Лестер. Во исто време куќите за обложувања во Англија даваат доста пониски коефициенти за неверојатни работи. На пример влоговите за наоѓање на чудовиштето од Лох Нес беше 500: 1. Поинаку кажано – откривањето на „Неси“ било десет пати можно, отколку тоа „лисиците“ да триумфира во лигата.
Дури веројатноста Елвис Присли да е жив била оценувана на 2.000: 1, а истиот коефициент е даден за тоа Ким Кардашијан да стане претседател на САД.
И да не заборавиме – во ера во која претставувањето на тимовите е силно поврзана со буџетите за плати, Лестер ги победи ривалите кои им плаќаат на своите играчи три, четири или пет пати повеќе.
Кога сезоната започна во септември, екипата на Манчестер Сити се проценуваше на 411 милиони фунти. Лестер Сити оваа година ја освои Премиер лигата, иако вредноста на тимот изнесува едвај 53 милиони фунти.
Лестер Сити ќе заработи од Премиер лигата над 90 милиони фунти. Пред една година, завршувајќи на 14-то место, клубот инкасираше речиси 72 милиони фунти. Телевизиската публика на тимот сепак се зголеми за 23 отсто, покажуваат податоците на „Repucom“ цитирани од „Bloomberg“. Тоа значи и можности за повеќе спонзорства. Учеството во Лигата на шампионите се проценува на најмалку 30 милиони фунти.
