Вo првите три месеци од 2016 година Друштвото АД Европа Скопје оствари вкупни приходи во износ од 162.482.957 денари кои се поголеми за 3% во однос на истите од предходната година.
Приходите од продажба за трите месеци се намалени за 5% и изнесуваат 148.612.554 денари а во минатата година истите изнесуваа 156.539.048 денари. На домашен пазар остварени се вкупно приходи во износ од 74.355.226 денари и се намалени за 4%, а на странски пазар остварени се вкупни приходи во износ од 74.257.328 денари.
Расходите за трите месеци зголемени се за 5% во однос на истиот период од минатата година и изнесуваат 160.795.807 денари. Поголемиот пораст на расходите за два индексни поени од порастот на приходите допринесе добивката да се намали за 64,5%. На зголемувањето на трошоците посебно влијание имаше зголемениот физички обем на производството и порастот на цените на основните наши суровини(шеќерот, какао суровините и зрнестите суровини). За суровини и материјали потрошени се 95.277.594 денари и се поголеми за 4.398.848 денари или 5% во однос на истот период од претходната година кога беа потрошени 90.878.746 денари.
