Вториот најголем јапонски производител на автомобили – „Honda“, го претстави својот нов хибриден модел „Accord Hybrid 2017“.
Од компанијата поставија многу висок стандард во однос на економичноста на моделот, а според нив просечната потрошувачка е 5,9 литри на 100 километри. „Honda“ си постави и многу амбициозна цел во однос на неговата продажба, а планира тие да се двапати поголеми во споредба со старата верзија.
Новиот модел е одговор на целите на „Honda“ агресивно да ја зголемува продажбата на хибридни и електрични автомобили во следните години.
„Во средина на цената на бензинот под 2 долари по државните бензински пумпи, сфаќаме дека ова е многу предизвикувачка цел“, коментира извршниот потпретседател на компанијата во САД Џон Мендел цитиран од весникот „CNBC“.
„Honda“ избра нестандарден подиум за претставување на нов модел – Детроит, срцето на американската автомобилска индустрија. Во изминатата година „Honda“ има продадено само 14.000 хибридни модели „Accord Hybrids“ на глобално ниво. Таа сепак престана со производството во средината на годината, за да го префрли во Јапонија.
Главниот мотив за купување на новиот хибрид на компанијата ќе биде неговата ниска потрошувачка, смета менаџментот на „Honda“. Тој е опремен со 2-литарски мотор, кој е помогнат од два електрични хибридни системи. Неговата вкупна моќност е 212 коњски сили. Тоа е за 16 коњски сили повеќе од моделот за 2014-та година и најмоќниот хибриден автомобил во средната класа во моментов, според податоци на „Honda“.
