Италијанскиот производител на автомобили „Maserati“ размислува да пушти верзија на кросоверот „Levante“, која ќе се натпреварува со „Porsche Cayenne Turbo“. Тоа го објави „Autoblog“, цитирајќи го шефот на брендот Давиде Данесина.
Најмоќната модификација на кросоверот ќе биде опремена со „V8“ мотор кој се наоѓа во предводникот на брендот – седанот „Maserati Quattroporte“. Тоа е 3,8-литарски бензински мотор, кој развива моќност од 530 КС и 710 Нм вртежен момент.
За споредба 4,8-литарскиот „V8“ агрегат, на кој се потпира „Porsche Cayenne Turbo“, генерира 520 КС и 750 Нм вртежен момент. Италијанскиот ривал исто така ќе добие систем за погон на четири тркала.
Сепак Данесина побрза да се осигура, прецизирајќи дека претставувањето на сличен модел треба да биде дискутирано со маркетинг одделот на компанијата. На проектот ќе биде дадено „зелено светло“ единствено ако се докаже неговата економска корист.
