Една година, откако „Apple“ го претстави најтенкиот ултрабук од серијата „MacBook“ со дебелина од 13.1 милиметри, компанијата ја покажа и неговата ажурирана верзија.
Цената на моделот, слично на неговиот претходник, ќе стартува од 1.299 долари. Ултрабукот ќе располага со најновиот „dual-core“ процесор од шестата генерација „Intel Core M“, побрз „RAM“ и подобар графички чип од претходниот модел. Тој се уште ќе е со 12-инчниот ретина-дисплеј, а според „Apple“, неговата батерија ќе издржи еден час повеќе.
Уредот е со целосно алуминиумско тело. Една од најважните промени е дека новиот уред ќе се нуди и во „златно розова“ боја, по примерот на некои паметни телефони и таблети. Други бои кои се нудат како опции на моделот вклучуваат уште сребрена, златна и сива.
Во моментов „Apple“ произведува преносни компјутери по три линии: „MacBook“, „MacBook Air“ и „MacBook Pro“, но компанија не дава детални податоци за продажбата на секој од трите модела.
Американската компанија има сериозна конкуренција од други водечки производители на преносни компјутери, од кои еден е „HP“. Од таму претставија нов модел „Spectre 13“, кој е дури и потенок од моделот „MacBook“ со дебелина од само 10,4 милиметри.
Во новиот лаптоп на „Apple“ сепак, продолжува да недостасува „USB“ порт, што во голема мера е разочарување за луѓето кои ги користат овие уреди. Тој има „USB“ порта-C.
Новиот модел почнува да се продава од денес, а за варијанти со 8GB RAM меморија и 256 GB внатрешна, корисниците ќе треба да платат 1.299 долари. Верзијата со двојно повеќе внатрешна меморија, додека одржување на истата „RAM“ меморија, е со цена од 1.599 долари.
