Нов тест на сајтот на „AnTuTu“ беше објавен на кинеската социјална мрежа „Weibo“, кој открива мистериозен модел на „Samsung“ со името „Galaxy C7“.
Тајното име на моделот е „SM-C7000“, а според аналитичарите станува збор за модел од просечниот ценовен сегмент кој ќе ја прошири понудата на јужнокорејскиот производител.
Според објавените информации, моделот се одликува со процесор „Qualcomm Snapdragon 625“, а ќе располага со 4 GB RAM меморија. Екранот ќе биде со резолуција од 1080×1920 пиксели, а главната камера ќе има капацитет од 16 мегапиксели. Предната камера е наведена како 8 мегапикселна.
Внатрешната меморија е 32 GB, а оперативниот систем – „Android 6.0.1 Marshmallow“. Тоа изгледа како уред кој е позициониран помеѓу моделот „Galaxy A7“ и „Galaxy S7“ во палетата на „Samsung“. Може да се претпостави дека новиот уред ќе биде направено од метал и стакло. Навидум сличен смартфон може да е одличен избор за луѓе кои не поддржуваат „QHD“-резолуција и сепак попрво би купиле смартфон од средната класа од „Samsung“ по пониска цена.
Тестот покажува дека резултатот за перформансите на уредот е 60.140 поени, што е едно не лошо достигнување и отстапува со малку на резултатите на моделот „Galaxy S6“.
