Најголемата компанија за пиво во светот „Anheuser-Busch InBev NV“ ја прифати понудата на јапонската пиварница „Asahi Group Holdings Ltd.“ за купување на нејзините брендови на пиво „Peroni“ и „Grolsch“ за 2,55 милијарди евра, пишува „Bloomberg“.
Зделката елиминира уште една пречка пред „AB InBev“ во обидот да добие одобрение на регулаторните тела за купување на „SABMiller Plc.“.
Договорот со „Asahi“ е меѓу условите за трансакцијата со „SABMiller“ да продолжи, гласи во соопштението на „AB InBev“.
Уште на 10-ти февруари двете компании соопштија за почетниот предлог од „Asahi“. Со договорот јапонската компанија се обидува да го надомести слабата раст кој го има на домашниот пазар.
„Asahi“ е најголемата пивара во Јапонија со пазарен удел од 38%, но производителот се стреми кон раст надвор од земјата, бидејќи намалениот број на население и зголемената популарност на виното во Јапонија кои создаваат проблеми врз продажбата на пиво во текот на последните две децении.
Меѓу другите компании, кои претходно упатија понуди за пивата „Peroni“ и „Grolsch“, беа американската компанија за удели во инвестирање „KKR & Co“, „Fraser and Neave“, која е дел од „Thai Beverage“, и европските компании „PAI Partners“ и „EQT Corp“.
„AB InBev“ веќе договори продажба на мнозинскиот удел на „SABMiller“ во американското друштво „MillerCoors“ со седиште во Денвер, партнер во компанијата „Molson Coors“ за сума од 12 милијарди долари.
