Одборот на главни директори на Фолксваген договори намалување на бонусите на извршните раководители за најмалку 30 отсто во рамки на преговорите за решавање на спорот околу надоместоците, соопшти анонимен извор.
Бонусите за вишото ниво на менаџмент се најдоа во центарот на вниманието заради ескалацијата на спорот со синдикалните лидери на најголемиот европски производител на автомобили.
Оваа компанија се наоѓа под притисок да ги намали трошоците откако во септември минатата година излезе скандалот со лажирањето на податоците на тестовите за емисија на штетни гасови.
Вториот најголем акционер во Фолксваген, германската сојузна држава Долна Саска, сака тие бонуси да бидат исплатени, додека синдикалните лидери во компанијата сакаат нивно укинување или намалување.
