Оваа недела од Меѓународната асоцијација на аеродромите (ACI) објавија листата на најпрометните аеродроми во светот. Уште еднаш аеродром Хартсфилд-Џексон во Атланта ја зазема челната позиција со над 100 милиони патници во 2015-та година.
Според „ACI“ протокот на патници е зголемен за над 5,5%, во споредба со 2014-та година. Од асоцијацијата го оддаваат успехот на Атланта на стратешката локација на градот. Друга причина е растот на најголемиот концесионерот на аеродромот „Delta Air Lines“.
На глобално ниво, бројот на луѓето кои патуваат со авион, се зголемува за 6.1% во 2015-та година. Од „AIC“ го подготвиле своето рангирање врз основа на податоци од 1.144 аеродроми во светот.
Еве кои се 10-те најпрометните аеродроми во светот врз основа на општ проток на патници:
10. Meѓународниот аеродром Далас / Форт Ворт: 64.072.468 патници.
9. Аеродром Шарл де Гол, Париз: 65.766.986 патници.
8. Меѓународниот аеродром во Хонгконг: 68.283.407 патници.
7. Меѓународниот аеродром во Лос Анџелес (LAX): 74.937.004 патници.
6. Аеродромот Хитроу, Лондон: 74.989.795 патници.
5. Меѓународниот аеродром Ханеда во Токио: 75.316.718 патници.
4. Меѓународниот аеродром О’Хеир Чикаго: 76.949.504 патници.
3. Меѓународниот аеродром во Дубаи: 78.010.265 патници.
2. Меѓународниот аеродром во Пекинг: 89.938.628 патници.
1. Меѓународниот аеродром Хартсфилс-Џексон, Атланта: 101.491.106 патници.
