„Cadillac“ цели кон сегментот на луксузни автомобили, а во наредните години ќе пушти на пазарот нов луксузен „SUV“, како и раскошна лимузина. Ова го пишува весникот „CarAdvice“ кој се повикува на свои извори.
Идниот кросовер ќе се вика „Cadillac XT9“ и ќе се распореди над „Escalade“ во палетата на брендот. Тој ќе мора да се натпреварува со „Bentley Bentayga“, како и со идните модели од овој сегмент на „Aston Martin“, „Lamborghini“ и „Rolls-Royce“. Цената на „XT9“ ќе стартува од 300.000 долари.
Покрај луксузниот „SUV“ американскиот производител подготвува и нова лимузина, која ќе се вика „CT9“. Односно таа ќе се смести над сегашниот предводник на брендот „CT6“, а ќе се обиде да ги привлече потенцијалните купувачи од суперлуксозниот „Mercedes-Maybach S-Class“. Цените на новиот седан ќе почнуваат од 250.000 долари.
Во плановите на „Cadillac“ влегува и создавање на мал седан, кој ќе биде позициониран под сегашниот „ATS“. Неговиот развој сепак ќе зависи од успехот на двата нови модели кои „Cadillac“ неодамна ги пушти на пазарот – седанот „CT6“ и кросоверот „XT5“.
