Невработеноста во еврозоната се намалува малку: од 10,4% во јануари до 10,3% во февруари, покажуваат сезонски прилагодените податоци на „Евростат“. Во февруари минатата година уделот на невработените во монетарната унија беше 11,2%.
Вредноста во вториот месец од годината е најниска од август 2011-та година.
Во целата Европска унија процентот на невработени изнесува 8,9% – без промена во однос на јануари оваа година и помалку во однос на февруари минатата година, кога процентот беше 9,7%. Последните податоци ја покажуваат најниската невработеност во ЕУ од мај 2009-та година.
Меѓу земјите членки најниска невработеност e забележана традиционално во Германија (4,3%) и Чешка (4,5%). Највисок е процентот на невработени во Грција (24%) и Шпанија (20,4%).
Во споредба со февруари 2015-та во 24 земји се регистрирани падови на невработеноста. Најголеми се намалувањата во Кипар (од 16,6 до 12,6%), Шпанија (од 23,2 до 20,4%) и Бугарија (од 9,8 до 7,4%).
Уделот на невработените во Белгија останува без промена, а се зголемува во Австрија (од 5,4 до 6%), Латвија (од 9,7 до 10,1%) и Финска (од 9,1 до 9,2%).
Младинската невработеност во ЕУ е 19,4%, а во еврозоната – 21,6%. Таа бележи пад во однос на една година претходно, кога била соодветно 20,9 и 22,7%.
