„Facebook“ подготвува неколку новости за апликациајта за разговор „Messenger“, соопштува интернет изданието „The Information“. Една од нив е функцијата за „тајни разговори“.
Весникот се повикува на откритија за идните нови елементи во самиот код на апликацијата. Во него се утврдени неколку потенцијални нови функции, меѓу кои спаѓаат и предметните „тајни разговори“.
Не станува јасно дали се предвидуваат посебни енкриптирани пораки или лични пораки, кои на некој начин ќе остануваат „повеќе лични“ од останатите. Можно е „Messenger“ да ја воведе функцијата за разговори, кои не се чуваат во архивата на системот. Засега од компанијата не коментираат на оваа тема.
Меѓу другите новини, кои се поставени во кодот на „Messenger“, е и функцијата за мобилни плаќања. Тоа изгледа логичен чекор, имајќи ги предвид плановите на „Facebook“ и желбата на компанијата да го претвори „Messenger“ во самостојна мрежа и да даде начин на компаниите директно да комуницираат со своите клиенти. На овој начин апликацијата за разговор ќе може да се користи и како онлајн продавница и ќе го олесни плаќањето на услуги и набавки за кои прво е потребен разговор со дежурен оператор. Останува нејасно кога и дали оваа функција ќе биде активирана, бидејќи „Facebook“ не коментира и за неа.
