„Mercedes-Benz“ ги објави фотографиите и техничките карактеристки на кросоверот „GLC Coupe“, кој ќе дебитира на меѓународниот саем во Њујорк.
Прототипот на моделот Германците го покажаа уште пред една година во Шангај. Сериската варијанта речиси не се разликува од него, а е изграден врз основа на теренецот „GLC“. Должината на возилото е 4730 мм, висината е 1600 мм, а растојанието помеѓу двете оски достигнува 2873 мм.
Волуменот на багажникот на новиот кросовер на „Mercedes-Benz“ е 491 литри, покажуваат официјалните податоци, обезбедени од компанијата производител. При навалување на задните седишта тој се зголемува до 1205 литри.
Уште во основната варијанта на кросоверот добил спортска суспензија, а со доплата клиентот добива адаптивно или воздушно потпирање. Моторите на автомобилот доаѓаат од стандардниот „GLC“. Тоа се турбо дизел со зафатнина од 2,1 литри кој развива 170 и 204 КС, како и 2.0-литарски бензински со 211 КС.
Кон крајот на годината ќе излезат уште три верзии. Најслабиот е со 2.0-литарски бензински мотор со 245 КС. Модификацијата „Mercedes-AMG GLC 43“ ќе добие 3,0-литарски V6 со 367 КС. Ќе има и хибрид, кој ќе може да се полни од електричната мрежа. Тој ќе располага со 327 КС.
Во 2017-та година ќе излезат и уште две дизел верзии. Сите модификации ќе добијат погон на сите четири тркала и 9-степен автоматски менувач. Само хибридниот „Mercedes-Benz GLC Coupe“ ќе се потпира на 7-степен менувач. За пазарот во САД ќе се предложи и варијанта само со заден пренос и бензински мотор.
