Малопродажните цени на бензините од ноќеска на полноќ се зголемуваат за два и пол денари, додека дизелот ќе поскапи 1,5 денар, одлучи во понеделникот Регулаторната комисија за енергетика.
Согласно одлуката, новата цена еуросупер БС-95 изнесува 60,50 денари за литар, додека за еден литар еуросупер БС-98 треба да се одвојат 62,50 денари.
Цената на литар еуродизел ќе изнесува 45 денари, додека на екстра лесното масло за домаќинство (ЕЛ-1) цената се зголемува на 33,50 денари.
Малопродажната цена на мазутот М-1 НС се зголемува за 1,139 ден/кг и со тоа цената на М-1 НС изнесува 16,837 денари за еден килограм.
Просечната цена на сурова нафта на светскиот пазар во изминатиот 14-то дневен период изнесуваше 39,010 долари за барел и е за 11,63 отсто повисока од просечната цена на сурова нафта по која беа формирани тековните цени на нафтените деривати.
Курсот на денарот во однос на доларот во изминатиот 14-то дневен период изнесуваше 55,3026 е за 1,408 % повисок од курсот на доларот по кој беа формирани цените.
Референтните цени на нафтените деривати на светскиот пазар во споредба со изминатиот четиринаесетдневен период бележат зголемување кај бензинот во просек за околу 17,60%, кај дизелот зголемување во просек за околу 11,59% и кај мазутот зголемување во просек за околу 15,32%.
