На 7-ми март „BMW“ го прослави својот 100-годишен јубилеј. Компанијата со седиште во Минхен го одбележа својот роденден со концепт кој јасно покажува во кој правец ќе се насочи производителот во следните години. За да се дојде до тука, сепак, „BMW“ создаде голем број импресивни автомобили. Ви нудиме 10-те најважни, според нас, модели на марката.
„BMW“ ја започнува својата историја во 1916-та година како „Bayerische Motoren Werke“ во која влегуваат 3 различни компании – „Rapp Motoren Werke“, „Bayerische Flugzeugwerke“ (BFw) и „Fahrzeugfabrik Eisenach“.
Секоја од нив е специјализирана во производство на мотори и различни транспортни средства. „Rapp Motorenwerke“ прави мотори за авијација, а „BFw“ произведува авиони, а токму тоа го создава легендарниот „Messerschmitt“.
Третата компанија – „Fahrzeugfabrik Eisenach“ е специјализира во правење на автомобили. Првично фирмата стартува со велосипеди и оружје, но набргу потоа почна да прави автомобили. На крајот трите компании се здружуваат и така се појавува „BMW AG“.
Историјата на брендот не е само сјајна. Во еден момент таа е сосема блиску до апсорпција од големиот конкурент „Daimler AG“. Индустрискиот магнат Херберт Квандт успева да го стекне контролниот пакет на „BMW“ и инвестира во иднината, а неговите наследници и до ден-денешен се акционери во концернот, а нивното богатство е пресметано во милијарди евра.
„Dixi“ – возилото со кој почнува
Првиот автомобил, направен од „BMW“, се појавува во 1928-ма година. Всушност тоа е „Austin 7“ под името „Dixi“. Подоцна тој беше преименуван во „DA-1 3 / 15PS“. „DA“ значи „Deutsche Ausgabe“ (германска верзија), а 3/15 ја покажува класата и коњските сили. Инаку колата е идентична со „Austin 7“, освен левиот волан.
Треба да се напомене дека „Dixi“ и „Austin 7“ се едни од првите модели кои ги користат стандардните за ова време педалите за гас, кочница и квачилото.
„328“ – спортски автомобил со 6-цилиндричен мотор
Всушност „BMW 328“ е еден од првите спортски автомобили на марката. Од него се произведени 460 примероци, а од технолошка гледна точка овој автомобил е еден од иноваторите. Изграден е на цевкаста просторната рамка и располага со редовен 6-цилиндричен мотор.
Автомобилот освои голем број натпревари, кои ги превзема од далеку помоќните конкуренти. Тој тежи само 830 килограми, а моќноста му е 80 КС – сосема солидни индикатори за 30-те години од минатиот век. Максималната брзина на „328“ е 155 км/ч, а таа се постигнува и благодарение на одличниот баланс помеѓу моторот и суспензијата.
„501/502“ – барокни ангели
Тоа е најраниот предок на „Series 7“. „BMW 501“ е првиот автомобил на марката, продаван по Втората светска војна, а Германците него и „502“ ги нарекуваат „барокни ангели“.
„BMW 502“ добива „V8“ мотор и во своето време е најбрзиот патнички седан во Германија. Моторот со зафатнина од 2,6 литри развива 100 КС, што овозможува развивање на максимална брзина од 160 км. Проблемот на моделот е високата цена, која сериозно ја ограничува неговата продажба.
Генерално, сепак „BMW 501/502“ прави сериозен чекор напред во однос на активната безбедност. Каросеријата е подобрена значително, а резервоарот е поставен над задната оска, за да се ограничи ризикот од пожар во случај на удар одзади.
„501/502“ инспирираа голем број други важни модели на „BMW“ – „503 Coupe“, „507 Roadster“ и „3200 CS“. Сите тие ги уживаат компонентите на „501“ и „502“.
„Isetta“ – микрокар или ладилник
Тоа е првиот модел во светот, кој успева да постигне потрошувачка од 3 л/100 км. Интересно е дека тој не е развој на „BMW“, туку на италијанската компанија „Iso“. Баварците сепак ја добиваат лиценцата за правење и така тој станува најпродаван автомобил со едноцилиндарски мотор во светот.
„BMW“ прави неколку верзии на „Isetta“ и сите се така дизајнирани дека резервните делови на „BMW Isetta“ и „Iso Isetta“ да не бидат меѓусебно исти. Генерално баварците произведуваат повеќе од 160.000 примероци од овој модел, при тоа во момент кога се заканува банкрот. И токму овие продажби го спасуваат „BMW“.
„Новата класа“
Реинкарнацијата на компанијата започна токму со неколку модели кои се наречени „новата класа“. Со нив баварците стануваат познати во целиот свет и стекнуваат огромен број верни симпатизери.
Првиот автомобил е „1500“ – седан со 4 врати и нов мотор „M10“ (M115). Верзии на овој мотор се произведува до крајот на 80-тите години на минатиот век, а од „M10“ се продадени повеќе од 3,5 милиони примероци. Имено, тој е во основата на моторите на болидите од Формула 1 на „Brabham-BMW“. Кај нив верзијата се нарекува „M12“, нудејќи 1200 КС во тркачки режим.
„M1“ – единствената соработка со „Lamborghini“
Легендарното „М1“ е првото „BMW“ со централна поставеност на моторот, а идејата за неговото создавање е шефот на единицата „BMW Motorsport“ – Јохан Нерпаш, додека дизајнот е дело на работилницата „Giugiaro“.
Идејата е возилото да биде произведен во соработка со „Lamborghini“, но финансиските проблеми на Италијанците ќе ја пропаднат трансакцијата. Во моментов од „М1“ останале сосема мал број автомобили, но тие чинат огромни пари.
„M3 E30“ – легендата во туринг
Првото „M3“ е машина која нема потреба од реклама. Таа еволуираше постепено до најуспешниот автомобил во класата „туринг“ во голем број првенства, каде остварува победа по победа.
„BMW M3 E30“ се разликува значително од стандардната „Тројка“. Таа има друга суспензија, друго управувачки систем, друг систем за сопирање и друга трансмисија. Првиот мотор поставен на „М3“ е со индекс „S14“, а кај некои од тркачките верзии моќноста му достигнува до 385 КС. Стандардните опции „M3 E30“ развиваат меѓу 192 и 238 КС.
Популарноста на оваа машина расте постојано, а од неа се продадени 16.202 копии. Точно дека не е најбрз автомобил кој може да се купи, но пак со годините цената расте постојано.
„X5“ – првиот од многуте
Првиот кросовер на „BMW“ е „Е53 X5“. Тој е изработен во времето кога баварците го купуваат „Land Rover“ и одлучуваат дека е крајно време да влезат и во овој сегмент. Иако фановите на марката не го сакаат, кросоверот се продава во огромни количини.
Во денешно време, токму благодарение на првиот „Х5“, „BMW“ има сериозен спектар на кросовери. Со нивна помош баварците се етаблира како лидер во продажбата во премиум сегментот. За тоа помага и системот за погон на четири тркала „xDrive“. Достапна е и „M“ – верзија на моделот.
„Series 2 Active Tourer“ – нови хоризонти
Овој модел исто ги затресе најекстремните фановите на брендот, бидејќи е првиот „BMW“ со преден погон. И покрај тоа што е опремен и со систем за погон на сите четири тркала, основната верзија е со преден. Нешто што до неодамна звучеше како сквернавење за автомобилите на компанијата.
Покрај тоа, овој модел има и поголем брат – „Gran Tourer“, со кој Баварците прават сериозен обид да влезат и во сегментот на минивановите. Нема како да биде поинаку, откако главниот конкурент „Mercedes-Benz“ ја создаде својата „B-Class“ и тој стана најпродаван миниван во Германија.
„i8“ – современото срце на „BMW“
Ова е втор автомобил во оваа десетка, чија погонски систем е сместена во средината. А всушност тоа е хибрид, кој може да се полни од електричната мрежа. Генерално моделот комбинира управливост на суперавтомобил и импресивна економичност. Шасијата е од јаглеродни влакна, а вратите се првите за брендот во стилот „крилја на пеперутка“.
