На интернет се појавија гласини дека компанијата „Apple“ во 2017-та година ќе претстави нов модел на „iPhone“ телефонот, кој ќе се нарекува „iPhone 7S Pro“.
Новиот модел би требало да биде поголем од постоечките модели „iPhone 6s Plus“ и „Samsung Galaxy S7 Edge“, a според информациите на „iDigitalTimes“, уредот ќе има 5.8-инчен „OLED“ екран кој ќе се простира преку неговите рабови. Класичното копче за вклучување најверојатно нема да постои во физичка, туку во виртуелна форма.
За хардверот се уште нема информации, а корисниците во меѓувреме со нетрпение ги очекуваат „iPhone 7“ и „7 Plus“ кои ќе бидат претставени во септември.
