Норвешка е државата со најдобри услови за живот на жените, додека Македонија е на 52-та позиција. Тоа го покажува новиот извештај „Poverty is Sexist 2016“.
Во истражувањето учествуваат 166 држави, а меѓу критериуми за избор се БДП по глава на жител, пристап до банкарски сметки, уделот на жените во големи компании и платата во споредба со мажите, веројатност за смрт за време на раѓање и други.
На првите места на листата се рангираат уште Шведска, Данска, Исланд, Финска, Холандија, Австралија, Нов Зеланд, Швајцарија и Белгија.
Македонија го зазема 52-то место во ранг на земјите во кои е најдобро да се биде жена. Од земјите од нашата околина Грција е на 25-то место, а Хрватска на 35-та позиција, Србија е 49-та, Бугарија е рангирана на 43-то место, а Романија на 58-тото место. Турција останува далеку назад на 74 позиција, две места пред Албанија (76-то).
Земјите со најлоши услови за жените, се Нигерија, следена од Сомалија, Мали, ЈАР, Јемен, Конго, Авганистан, Брегот на Слоновата Коска и Чад.
