Одличното претставување на „Opel Mokka“ на европскиот пазар ја натера компанијата производител да ја преиспита листата на модели во гамата кај кросоверите. Компактниот модел успеа во 2015-та година да забележи раст на продажбата од 46%, а овој показател го надмина дури бестселерот „Nissan Qashqai“.
На спротивна насока продажбата продолжува да паѓа на моделот Opel Antara кој се произведува веќе повеќе од 10 години. За 2015-та година резултатот е само 6746 единици, што е и главната причина за одбивањето за создавање на новата генерација на моделот. Тоа го потврди и шефот на „Opel“ Карл-Томас Нојман.
„Една од нашите слабости е малиот спектар на кросовери. Располагаме со успешен модел како „Mokka“ и сакаме и останатите „SUV“ автомобили да бидат такви. Во прво време треба да се пушти нов, поголем теренец кој ќе успее да се наметне на пазарот“, објасни Нојман.
Според него, новиот кросовер на „Opel“ ќе биде подготвен во 2018-та година. Во неговата основа ќе биде шасијата на втората генерација на „Insignia“, а по секоја веројатност ќе бидат употребени и останатите агрегати на овој модел. Теренецот ќе биде поголем од „Antara“, чија должина е 4575 мм, а меѓуоскиното растојание е 2707 мм.
Од „Opel“ се ориентирани кон „SUV“ сегментот ќе продолжат и со подготовка на новите генерации на „Zafira“ и „Meriva“. Тие ќе ги задржат гломазните кабини, но на изглед ќе се доближуваат до теренец. Нешто слично направи „Renault“ со својот крос „Espace“.