Oвие денови може да се слушне дека „HTC“ сепак нема да го продава својот премиум телефон како „HTC One M10“, како што сите очекуваат, туку едноставно како „HTC 10“, пренесува „GSMArena“.
Познатиот „evleaks“ и поранешниот уредник на сајтот „Engadget“ објавија неофицијални фотографии од претстојниот премиум смартфон на „HTC“, па така можеме да погледнеме како тој ќе изгледа од сите агли.
Исто така, тука се и некои фотографии од телефонот кои биле реализирани и кои ги објави „onleaks“.
Што се однесува до спецификациите, гласините говорат дека можеме да очекуваме 5,15-инчен „QHD“ дисплеј, процесор „Qualcomm Snapdragon 820“, 4 GB RAM меморија, камера од 12 мегапиксели, како и „USB Type-C port“. Камерата на задната страна би требало да биде „UltraPixel“, односно многу слична на онаа која „Samsung“ ја избра за „Galaxy S7“ и „S7 edge“ телефоните. Па поради тоа ќе биде премногу интересно да се споредуваат фотографиите кои ќе може да се направат со овие два телефони.
„HTC“ веќе стартуваше со објавување на одделни спецификации од овој модел, но се уште го нема закажано официјалниот датум за претставување на телефонот.
