Битката за превласт кај онлајн видео содржините веќе не е трка само помеѓу „YouTube“ и „Facebook“. „Snapchat“ се покажа како сериозен конкурент, откако најави дека корисниците на услугата веќе секој ден гледаат по 8 милијарди видеа.
Оваа бројка беше соопштена од главниот извршен директор на „Snapchat“ Еван Спигел пред инвеститорите за време на технолошката и медиумска конференција организирана од „Morgan Stanley“.
Според Спигел бројот на видеа кои се гледаат во „Snapchat“ е пет пати поголем во споредба со една година порано. Со осум 8 милијарди прегледи на ден „Snapchat“ веќе може да се пофали со ист број како Facebook, кој објави во ноември дека бројката на корисниците го достигнала нивото од 8 милијарди.
Од „YouTube“ пак тврдат дека само нејзините корисници „генерираат милијарди“ прегледи и стотици милиони часови.
„Snapchat“ сепак има повеќе од 100 милиони активни корисници дневно, според повеќето публикации. Компанијата не ја објавува официјално статистика за корисниците, додека „Facebook“ предвиде 1,04 милијарди активни корисници дневно. Тоа значи дека просечните корисници на „Snapchat“ гледаат многу повеќе видео содржини од оние на „Facebook“.
