„Lamborghini“ на автосаемот во Женева претстави нов суперавтомобил – „Centenario LP770-4“. Како и другите специјални модели на марката и овој беше целосно распродаден уште пред да пристигне на саемот.
Моделот е изграден во чест на 100-годишнината од раѓањето на основачот на „Lamborghini“ – Феручо Ламборџини.
При движење со мала брзина задните тркала на „Centenario LP770-4“ се завиваат под мал агол во насока спротивна на предните. Така се одвива подобрено маневрирање. При поголеми брзини сите тркала завиваат во иста насока, подобрувајќи ја динамиката на свиоците.
Суперавтомобилот е опремена со најмоќниот мотор некогаш произведени од „Lamborghini“ – атмосферски „V12“ со зафатнина од 6,5 литри и моќност од 770 КС. Тој му овозможува на автомобилот, кој располага и со систем за погон на сите четири тркала, да забрзува од 0 до 100 км/ч за 2,8 секунди. Брзината до 300 km/h од место се достигнува за 23,5 секунди, а максималната брзина е 350 км/ч.
Моделот е изграден околу карбонски монокок. Од истиот материјал се направени и сите елементи од каросеријата, а како резултат на тоа тежината на „Lamborghini Centenario“ е сведена на 1520 килограми.
Односот помеѓу масата и енергијата е 1,97 кг/коњска сила, а за моделот се развиени дополнителни аеродинамички елементи. Еден од нив е задното антикрило што е активно.
Од суперавтомобилот ќе бидат произведени 40 примероци – 20 купе и 20 роудстер, а според информациите веќе сите се продадени. Цените стартуваат од 1,75 милиони евра без даноци и такси.
