„Mercedes-Benz“ ја претстави новата генерација на „C-Class Cabriolet“. Моделот дебитира во Женева, а ќе се појави на светските пазари уште пред почетокот на летото.
Новиот „C-Class Cabriolet“ е изграден врз основа на „C-Class“ што германскиот производител го претстави во текот на минатата година. Основната разлика е новиот покрив, кој е способен да се врати или отвори за помалку од 20 секунди. Тој е од ткаенина, може да се нарача во четири различни бои и работи при брзина до 50 км/час.
„Mercedes-Benz C-Class Cabriolet“ се опремува стандардно со системот „Airscarf“ кој поднесува топол воздух во пределот на вратот на возачот и на патникот до него. Предвиден е и системот „Aircap“ кој ја намалува турбуленцијата на струење во задниот дел на возилото. Со доплата пак може да се нарачаат седишта со кожа, кои се загреваат помалку од сончевите зраци.
Во моментов се познати само некои од моторите на кабриолетот. 2,0-литарскиот бензинец со 245 КС е предвиден за модификацијата „C300“. Агрегатот е поврзан со автоматска трансмисија со 9 степени „9G-TRONIC“ и систем за погон на четири тркала „4MATIC“.
Дизел опцијата е „C250d 4MATIC“ со 150 КС, а кај спортските модификации се издвојува „Mercedes-AMG C 43 Cabriolet“ која што користи 3.0-литарски би-турбо V6 мотор со 367 КС. Овој модел од место до 100 km/h стигнува за 4,8 секунди и развива максимални 250 км/час.
Во подоцнежна фаза моделот ќе добие и други мотори, меѓу кои се очекува и хибриден агрегат. Исто така ќе бидат предложени и врвните спортски модификации „C 63“ и „C 63S“.