Компанијата „Mercedes-Benz“ претстави помоќна „AMG“-верзија на купето „C-Class“. Таа ќе го носи називот „Mercedes-AMG C 43 Coupe“.
Модификацијата е управувано од 3,0-литарски твин-турбо V6 мотор, чија моќност е 367 КС, а максималниот вртежен момент достигнува 520 Nm. Моторот работи во комбинација со 9-степен автоматски менувач.
Овој агрегат се наоша и во седанот „Mercedes-Benz C 450 AMG“, кој подоцна беше преименуван во „Mercedes-AMG C 43“. Возилото забрзува од 0 до 100 km/h за 4,7 секунди, а максималната брзина како кај седанот, така и кај купето е ограничена по електронски пат на 250 km/h.
Спортското купе ќе се нуди исклучиво со систем за погон на сите четири тркала. Во станадртен режим моќноста меѓу двете оски се дистрибуира во сооднос 31:69 во корист на задните тркала.
Покрај тоа, моделот добил елемeнти од суспензијата на „Mercedes-AMG C 63 Coupe“, амортизери со 3 режими на работа, 3 брзински систем за стабилизација, како и систем за промена на режимите на моторот. Тие се вкупно 5, а 4 се фиксни, а додека едниот може да се постави по желба на возачот.
Од стандардната верзија, кабината на „Mercedes-AMG C 43 Coupe“ се разликува по изгледот на предниот и задниот браник, новата решетка на ладилникот е со дополнителни амблеми, а исто така и по 18-инчни бандажи, кои со доплата можат да бидат заменети со 19-инчни.
Засега не е познато по која цена овој модел ќе се продава на пазари, но се претпоставува дека возилото своја премиера ќе има на претстојниот саем во Женева, па тогаш ќе бидат познати повеќе информации.
