Прототип на флексибилен паметен часовник беше претставен на технолошкиот саем „Mobile World Congress“ во Барселона, пренесе „The Verge“.
Направа е со дисплеј со органски течни кристали, покриен со пластика, наместо со стакло, што го прави флексибилен, отпорен на удари, според британската компанија производител „FlexEnable“.
Должината на часовникот е 4.7 инчи (11.90 сантиметри), а дебелината на екранот е 125 микрони.
Мајк Банах, техничкиот директор во „FlexEnable“, објасни дека благодарение на технологијата ќе биде можно да се развијат и „флексибилни“ смартфони кои луѓето ќе можат да ги свиткаат и затвораат во џеб.
Паметниот часовник на „FlexEnable“ е само прототип и најверојатно ќе се појави на пазарот следната година, додека евентуалната цена се уште не е соопштена.
