Европската компанија одобрила 15 милиони евра за нов терминал на аеродромот во Љубљана, а средствата се доделени од европскиот фонд за регионален развој.
Средствата од тој фонд, Словенија ги користи за јакнење на транспортната инфраструктура и тоа за проекти во рамките на среднорочниот финансиски буџет на Европската унија од 2007-2013 година.
Планираниот капацитет на новиот терминал на љубњанскиот аеродром “ Јоже Пучник ” , изнесува 1800 патници на саат.
Тоа ќе ги задоволи потребите не само на словенските корисници на воздушниот превоз, туку и на патниците кои на љубљанските аеродроми гравитираат поради близината, како оние во јужна Австрија, северозападна Италија и некои делови на Хрватска.
Постоечкиот патнички терминал во аеродромот, во Брник, изграден е во 1973, со претпоставка за максимален промет од 500.000 патници годишно.
Поради зголемениот промет, првичниот терминал е повеќе пати прошируван, така што во 2010 година овозможил услуги за 1,4 милиони услуги.
Последната поголема модернизација и вложување во терминалот биле во 2007 година, поврзано со контролата на патниците и стоката која доаѓа од шенген зоната.
Новиот терминал годишно ќе може да услужи 4 милиони патници.
Кога ќе биде завршен целиот проект, кој во новата зграда за патницки терминал вклучува и комерцијални објекти и нови паркинг места, вкупната површина на аеродромот ќе се зголеми за околу 36.000 метри квадратни.
