Продажбата на компјутери, таблет уреди и на смартфони во светот оваа година ќе се зголеми за девет проценти и ќе достигне 2,4 милијарди парчиња, соопшти истражувачко-консултантската компанија Гартнер.
Корисниците претпочитаат се повеќе таблет уреди и смартфони и затоа продажбата на персонални компјутери и лаптопи ќе забележи пад од 7,6 отсто, до околу 315 милиони оваа година, според Гартнер, која појаснува дека е забележана тенденција на продажба на помоќни таблет уреди по пониски цени, со што се ставаат во втор план традиционалните компјутери.
– Некои луѓе ќе ги задржат и персоналните компјутери и таблет уредите, особено оние кои ги користат за работа и за рекреација, но многумина ќе се задоволат со таблет уред како основен компјутер, изјави претставничка на компанијата.
Глобално продажбата на таблет уреди ќе се зголеми за 70 отсто до 197 милиони единици.
