Јапонскиот производител на електроника „Sony“ претстави три нови смартфони од серијата „Xperia X“ за време на саемот во Барселона.
Тоа се моделите „Xperia X“, „XA“ и „X Performance“, а и трите смартфони се со 5-инчен дисплеј.
Sony Xperia X
Смартфонот е со процесор „Snapdragon 650“, како и 3 GB RAM меморија. Тој е со новиот оперативен систем „Android 6.0 Marshmallow“. Внатрешната меморија е 32 GB, а која може да се прошири со картичка. Големата новина кај смартфонот е новата камера на производителот. Таа е 23-мегапикселна со „паметен автофокус“, кој овозможува да бидат следени објектите кои се движат. Камерата може да биде активирана и да снима само за 0,6 секунди. Предната камера на уредот е 13-мегапикселна. Од „Sony“ ветуваат два дена траење на батеријата меѓу полнење, благодарение на нејзиниот капацитет од 2.620 mAh. Смартфонот се разликува уште и со стерео звучниците. Неговата цена во Европа се очекува да е при ниво од 599 евра.
„Sony Xperia X Performance“
За оние кои имаат потреба од поголема моќ, овој модел доаѓа со процесор „Snapdragon 820“, 3 GB на RAM и 32 GB внатрешна меморија. Моделот исто така е водоотпорен и го има сертификатот „IP68“. Екранот му е 5-инчен со резолуција од 1080 пиксели, а неговата главна камера е истата од 23 мегапиксели, како на претходниот модел со хибриден автофокус. Предната камера е 13-мегапикселна. Се уште нема информации за цената, по која ќе се нуди во Европа.
„Sony Xperia XA“
Ова е најприфатливиот модел од серијата. Тој е со 5-инчен екран со резолуција од 720 пиксели и 13 мегапикселна главна камера. Предната камера е од осум мегапиксели. Чипот е „MediaTek MT6755“, а оперативната меморија е 2 GB. Моделот ќе доаѓа со инсталирана верзија „Android Marshmallow“. Овде недостасуваат сензорот за отпечатоци и стерео звучниците. Батеријата исто е помала со капацитет од 2300 mAh. Цената на моделот во Европа се очекува да е при ниво од 299 евра.
