Италијанската спортска марка „Maserati“ го покажа првиот во историјата сериски кросовер. Неговата премиера ќе се одржи на автосаемот во Женева, а продажбата ќе стартува веднаш потоа.
Дизајнот на „Maserati Levante“ е целосно во стилот на брендот, познат по своите седани и купе возила. Сепак „SUV“ моделот добил и оригинални детали, вклучувајќи масивни задни браници, импозантна решетка на ладилникот и линијата на покривот.
Засега производителот на брза да ги открива техничките карактеристики на моделот, а беше објавено само дека „Levante“ ќе ги комбинира прецизна управливост, карактеристична за автомобилите на брендот, со одличните теренски карактеристики. Автомобилот добил целосно оригинален систем за погон на четири тркала и воздушно потпирање со адаптивни амортизери.
Според информациите кои засега ги има кросоверот ќе добие 3,0-литарски бензински турбо „V6“ мотор во две верзии – со 350 и 430 КС. Тој ќе работи во комбинација со специјално подготвена 8-степена мануелна трансмисија. Така „Levante“ ќе забрзува од 0 до 100 км/ч, односно за 6,3 и 5,2 секунди, а максималната брзина ќе биде 243 км/ч кај најслабата варијанта и 264 км/ч кај најмоќната.
За италијанскиот теренец е предвиден и 3.0-литарски „V6“ дизел агрегат со 275 КС. Тој ќе забрзува од 0 до 100 км/ч за 6,9 секунди, а максималната брзина ќе биде 230 км/ч. За споредба дизел „Porsche Cayenne“ ја постигнува брзината до 100 км/ч за 7,3 секунди.
