Нова верзија на најпознатиот компактен кросовер покажа француската компанија „Peugeot“. Обновениот „2008“ ќе биде главен акцент на штандот на марката на саемот во Женева.
Основната модернизација кај моделот влијае на надворешноста, каде гледаме нова решетка на ладилникот со голем амблем, нов капак и нежно изменети светла. Позади промените се помали, а се исцрпуваат со нов дизајн на стоп светлата.
Новина која треба да се потенцира е авантуристичкиот карактер на „Peugeot 2008“, а тоа се штитниците на крилата, кои се решени во црно.
Внатрешноста изгледа речиси непроменета, а веќе може да биде опремена со 7 инчен мулти-систем, кој го нуди „Apple Carplay“. За повисоките верзии се достапни стаклен панорамски покрив, кожен тапацир со контрастни шевови и амбиентно осветлување.
За моделот се нуди и пакетот „GT Line“, кој вклучува решетка на ладилникот во црн хром, сјајни црни елементи, уникатни тркала со големина од 17 инчи, алуминиумски педали, името од нерѓосувачки челик и друго.
За погон на обновениот „2008“ се предвидени неколку бензински и дизел мотори. Бензинските се од серијата „PureTech“, имаат волумен од 1,2 литри и имаат турбо, а генерираат 82, 110 и 130 КС. Дизелите се со зафатнина од 1,6 литри и развиваат 75, 100 и 120 КС.
Сите детали за моделот ќе бидат откриени за време на премиерата на почетокот на месец март.