Аферата со афлатоксините во млекото што во изминатиот период зафати неколку балкански земји, не се одрази врз продажбата на млекото и млечните производи од македонските млекарници.
Од битолската млекарница Бимилк велат дека нема намалување во продажбата и дека долги години прават контроли на производите што ги пласираат на пазарот.
– Аферата не не погоди како компанија. Имаме извозно бројче од 2002 година. Ги почитуваме светските стандарди и сертификати и тие даваат слика на она што го правиме, а тоа е технолошки лидер во Македонија. Продажбата оди напред, не само поради кризата. Цело време вложуваме во нашиот квалитет и сертификатите кои ги применуваме, изјави денеска Полексена Ристеска, маркетинг менаџер на Бимилк.
