Во прилог на долгоочекуваниот модел од највисока класа „G5“, јужнокорејската компанија „LG“ планира да претстави и два модела од средната класа за време на саемот во Барселона.
Моделите ќе се нарекуваат „LG X cam“ и „LG X screen“, а се очекува да поседуваат некои од карактеристиките на смартфоните од високата класа на компанијата.
Моделот „LG X cam“ ќе се одликува со 5.2-инчен екран со резолуција од 1080 x 1920 пиксели и 2 GB RAM меморија. Тој ќе биде придвижуван од осумјадрен процесор со фреквенција од 1.14GHz и ќе располага со 16 GB внатрешна меморија. Уредот ќе има две задни камери – една 13 и една 5-магапикселна, како и 8-мегапикселна предна камера. Батеријата ќе е со капацитет од 2520mAh, а оперативниот систем е „Android 6.0“.
Другиот модел „LG X screen“ ќе е со 4.93-инчен екран со резолуција од 720 x 1280 пиксели. Вториот екран со големина од 1,76 инчи ќе се наоѓа во горниот дел и ќе ги прикажува пораките, времето и часот, без да е потребно активирање на екранот. Оваа карактеристика е превземена од моделот „LG V10“, а според гласините ќе се појави и кај новиот модел „LG G5“. Уредот ќе е со „quad-core“ процесор со фреквенција од 1.2 GHz, како и 16 GB внатрешна меморија. Оперативната меморија е 2 GB.
И двата уреди ќе бидат официјално претставени на 22-ри февруари, или ден по официјалното деби на долгоочекуваниот „LG G5“.
