Премиерата на новиот луксузен караван на „Volvo – V90“, ќе се одржи на 18-ти февруари во Стокхолм, но изданието „Autoweek“ успеа да обезбеди официјални фотографии на моделот.
Автомобилот е изграден врз основа на предводникот на Швеѓаните – „S90“, а во неговата основа е новата модуларна платформа „SPA“. Таа дебитираше кај друг модел на скандинавскиот производител – втората генерација на кросоверот „XC90“.
Се очекува караванот „V90“ да биде поголем од својот претходник „V70“, чија должина изнесуваше 4823 мм. Задниот дел на возилото ќе биде во стилот на прототипот „Estate Concept“, додека останатите елементи ќе се идентични со седанот „S90“.
Во палетата мотори на моделот ќе се најде 2,0-литарски дизел со моќност од 190 и 235 КС, а исто така и 2,0-литарски бензински мотор со турбина и компресор кој развива 320 КС. Ќе има и хибридна верзија со 407 КС.
Пред публика новото „Volvo V90“ ќе се појави на саемот во Женева во март. Подоцна ќе бидат пуштени и две модификации – спортска со хибриден погон, дело на компанијата „Polestar“, како и теренец – „Cross Country“.