Популарноста на апликациите за запознавање скокнала речиси за три пати од 2013-та година до средината на 2015-та година, соопштува аналитичарската компанија „Pew Research Center“. Растот е за луѓето на возраст меѓу 18 и 24 години во САД, додека кај корисниците меѓу 55 и 64 години популарноста на овие апликации се зголемила двојно за истиот период.
Вкупно 12% од Американците користеле сајт за интернет запознавања. Во 2013-та година биле 9%. Исто толку, 9% се корисниците на сличните мобилни апликации, додека во 2013-та година тие биле само 3%.
Просек 27% од сите Американци на возраст меѓу 18 и 24 години користат такви услуги. Очекувано, тоа е и најголемата база на корисници на апликациите за запознавања. Вкупно 29% од Американците познаваат човек кој почнал сериозна врска благодарение на овие платформи.
Според податоците на „Pew Research Center“ корисниците со завршен колеџ, како и оние со висок приход од над 75 илјади долари годишно познаваат најмногу луѓе кои нашле сериозен партнер преку сајтови и апликации за запознавања.
Вкупно 80% од корисниците на овие сајтови и апликации велат дека ова е добар начин да се откриваат нови контакти. На истото мислење се и 55% од луѓето кои никогаш не користеле слични услуги. 62% сметаат дека онлајн запознавањето им овозможува на луѓето полесно да откриваат соодветни партнери, освен тоа е многу полесно.
Сепак 45% се свесни и за ризиците кои се поврзани со овој тип запознавања. 31% пак сметаат дека овие сајтови и апликации се штетни и пречат на луѓето да се утврдат со еден партнери. Само 16% сметаат дека овие услуги се за очајни луѓе.
Во однос на ризиците, мажите и жените имаат отстапувања. 53% од жените кои користеле услуги за онлајн запознавања, велат дека тоа е поопасно отколку тоа да го сторат на традиционалните начини. Истовремено, само 38% од мажите мислат на ист начин. Просек 17% од мажите и 14% од жените во САД користат платформи за онлајн запознавања.
