Баварскиот гигант „BMW“ го најави излегувањето на максималната верзија на новата генерација на својот предводник „Series 7“. Тоа е модификацијата „BMW M760Li xDrive V12 Excellence“.
Луксузниот седан со додаток „М“ кон своето име добил дополнителен аеродинамичен пакет, спортски издувен систем, двојни издувни цевки „Cerium Grey“ и сопирачки механизам „M Sport“ со сини помагала. Автомобилот е поставен на 20-инчни бандажи, создадени специјално за него.
Во кабината се поставени седишта со електрично регулирање и тапацир со кожа „Nappa“. Постојат уште дополнителни сјајни дрвени елементи, како и поставата на таванот со црна „Alcantara“, позната од „М“ автомобилите на „BMW“.
Погонот на модификацијата „BMW M760Li xDrive V12 Excellence“ е доверен на 12-цилиндричен бензински мотор со технологија „M Performance TwinPower Turbo“ со два „mono-scroll“ турбополначи, систем за директно вбризгување на горивото и променливи фази на распределбата на гаста.
Волуменот на моторот е 6592 кубици, а моќта достигнува 600 КС при 5500 врт/мин. Максималниот вртежен момент од 800 Нм е достапен под едвај 1.500 врт/мин. Комбинацијата со 8-степен менувач „Steptronic Sport“ со поставувања „M Performance“ овозможува забрзување од 0 до 100 км/ч за 3,9 секунди.
Максималната брзина од 250 км/час е ограничена по електронски пат, но при додавање на пакетот „M Driver’s“ таа достигнува 305 км/ час. Објавениот од BMW мешан потрошувачка е 12,6 л / 100 км.
„BMW M760Li xDrive V12 Excellence“ ќе има премиера на саемот за автомобили кој на почетокот на март ќе се одржи во Женева.
