Приходите од мобилните апликации на глобално ниво се очекува да ја надминат психолошката граница од 100 милијарди долари и да достигнат 101 милијарди долари по пет години, според прогнозите на „App Annie“.
Она што ќе предопредели растот во продажбата се најевтините смартфони кои даваат пристап на повеќе луѓе до бесплатни и платени апликации. Базата на корисници на смартфони и таблети се очекува да се зголеми повеќе од двојно до 6.2 милијарди луѓе во 2020-та година, во однос на 2,6 милијарди во моментов.
Голем дел од растот на корисниците ќе дојде од растечките економии како Индија, Индонезија, Кина, Бразил, Мексико и Турција. Зголемување се очекува да забележат и генерираните приходи на уред – до 16,2 долари во 2020-та година, во споредба со 15,4 долари во моментов.
„Времето што корисниците го поминуваат на смартфоните се зголемува, како и трошоците кои се прават за мобилни апликации“, според Даниел Левитас, потпретседател во „App Annie“.
Апликациите за социјалните мрежи и оние за стриминг на музика и видео, ќе се основа на зголемувањето на висината на приходите. Меѓу оние кои во најголема мера се очекува да имаат корист од трендот, се „Spotify“, „Netflix“, „Tinder“ и кинеската администрација за видео стриминг „iQiyi“. Игрите ќе продолжат да доминираат во однос на најголем удел во платените услуги, макар и да се очекува тој да се намали до 74%, во однос на сегашните 85%.