Од „Kickstarter“ се пофалија дека во саботата вечерта забележиле 100.000 успешни „crowdfunding“ кампањи на нивната платформа. Станува збор за фотографската кампања „Falklands/Malvinas: One War, all Wars“ која се занимава со изработка на фото-монографии за војната во Фолкландските острови.
Со цел да го одбележат овој јубилеј, од „Kickstarter“ објавија 100 факти за своите први 100.000 успешни кампањи. За да го достигнат овој број им беа потребни 6 години, 9 месеци и 10 дена. На самиот почеток, за првите 100 успешни проекти требаше да минат 121 ден, додека за последните 100 било потребно само 3 дена.
Интересно е дека споменатите 100.000 проекти ги имаат стартувано нешто повеќе од преку 86.000 автори, што значи дека околу 14.000 кампањи биле дело на „повратници“, оние кои веќе имале „crowdfunding“ успех зад себе. Најуспешниот автор успеа на „Kickstarter“ да финансира дури 94 свои проекти. Меѓу најуспешните проекти се истакнува и еден филм кој е награден со Оскар, и бројни други интересни работи.
