Производството на автомобили во деветте фабриките на „Toyota“ во Јапонија ќе биде целосно укината за периодот од 8-ми до 13-ти февруари, соопштија од раководството на концернот.
Причината е недостаток на челик, вина на основниот оператор – компанијата „Aichi Steel“. Нејзината фабрика во Јапонија настрада сериозно од експлозија, која избувна во почетокот на јануари. Во инцидентот нема повредени, но една од производствените линии е премногу оштетена и поправката ќе заврши на крајот на март.
Од „Toyota“ објавија дека проблемот нема да влијае на претпријатијата на концернот, лоцирани во други држави. Сепак производителот ги зема сите можни мерки за минимизирање на штетата што може да биде нанесена на производството на компанијата. Една од мерките е потрага по нов снабдувач на челик.
Во Јапонија има вкупно 16 фабрики на „Toyota“, а секојдневно од производната лента излегуваат околу 14.000 нови автомобили. Концернот е најголемиот производител на автомобили во светот – четврта година по ред, а во 2015-та заврши со резултат од над 10 милиони единици.
Плановите на компанијата за оваа година се да бидат произведени околу 10,20 милиони возила, а од нив 4 милиони отпаѓаат на локалните претпријатија.
