Повеќе од 1,4 милијарди смартфони се продадени во светот во 2015-та година, покажуваат податоците на американската компанија за истражување на пазарот и анализа „IDC“. Тоа е за 10,1% повеќе во однос на 2014-та година.
Зголемена беше побарувачката на смартфони во четвртиот квартал на 2015-та година, кога е остварен раст од 5,7%, до 399.5 милиони примероци.
Најголем производител во светот во четвртиот квартал од минатата година повторно е „Samsung“ со 85.6 милиони продадени смартфони, следен од „Apple“ со 74.8 милиони и „Huawei“. Кинеската компанија „Huawei“ се претстави најдобро од сите кои се наоѓаат во топ 5, каде спаѓаат уште „Lenovo“ и „Xiaomi“. За четвртиот квартал на 2015-та година, компанијата ја зголеми продажбата за 37%, додека со продадените 106.6 милиони уреди во изминатата година ја рангираат „Huawei“ меѓу четирите компании во светот, кои го направиле тоа во рок од една година.
Вкупната продажба на „Samsung“ и „Apple“ за 2015-та година изнесува 324.8 милиони и 231.5 милиони смарфони, а и од двете компании најавија дека тешко ќе се одржи ова темпо и во оваа 2016-та година. Растот за годината за „Huawei“ е од 44,3%, додека „Lenovo“ и „Xiaomi“ предвидоа раст во продажбата од 24,5 и 22,8 отсто.
