„Apple“ планира настан во март годинава на кој ќе ја претстави новата генерација на „iPad“, поевтина верзија на „iPhone“ и втората генерација на паметниот часовник „Apple Watch“, соопштува интернет изданието „9to5mac“. Според изворите на весникот, центар на настанот ќе биде новиот „iPad Air 3“.
Таблетот ќе има 9,7-инчен екран, а може да се искористи од страна на некои од карактеристиките кои беа претставени минатата есен во 12-инчниот „iPad Pro“. Меѓу нив е употребата на „Apple Pencil“. Не се исклучува и додавањето на „LED“ блиц за камерата на грбот на таблетот. Се очекува да бидат подобрени и звучниците на таблетот.
На истиот настан најверојатно ќе биде претставен 4-инчен „iPhone 5se“. Ова ќе е комбинација на „iPhone 5s“ и нов хардвер од „iPhone 6“, вклучувајќи помоќен процесор, „NFC“, одржување на анимирани слики и друго. Дизајнот на куќиштето исто така ќе е мешавина од двата модела. Целта е компанијата да се врати во традиционалниот сегмент на „iPhone“ и да претстави уште една поевтина алтернатива на нивниот смартфон уред со кој ќе ги нападне растечките пазари.
Втората генерација на „Apple Watch“ исто така може да го направи своето деби на настанот во март. Се очекува уредот да има мали подобрувања во хардверот, повеќе новини во софтверот и да обрне најголемо внимание на дизајнот и разновидноста на каишки.
Паралелно со уредите ќе бидат пуштени новите верзии на „iOS“ и „WatchOS“. Засега од „Apple“ не коментираат на оваа тема.
