Листата на кандидати за титулата најдобар автомобил на светот за 2016-та година (World Car of the Year 2016) е стеснета на десет имиња.
А тројцата финалисти ќе бидат избрани на саемот за автомобили во Женева, кон почетокот на месец март, додека победникот ќе биде познат во месец април, на Саемот за автомобили во Њујорк.
А за некој модел воопшто да може да влезе во изборот за наградата, мора да се појави во продажба на најмалку два континенти, а жири-комисијата составена од 73 автомобилски новинари од целиот свет се одлучи за следниве финалисти:
„Audi A4“
„BMW X1“
„Hyundai Tucson“
„Jaguar XE“
„Land Rover Discovery Sport“
„Mazda CX-3“
„Mazda MX-5“
„Mercedes GLC“
„Škoda Superb“
„Toyota Prius“
Листата е многу шаренолика, а вистински куриозитет е тоа што во потесниот избор овојпат се најдоа дури два модела на брендот „Mazda“, додека оваа година на листата нема ниту еден модел под логото на „Volkswagen“, којшто секогаш важеше за еден од фаворитите, а неретко беше и освојувач на титулата.
Освен вкупниот победник којшто ќе ја понесе ласкавата титула „Светски автомобил на годината“ се избираат и најдобри модели по категории – луксузни, спортски, еколошки и најдобро дизајнирани автомобили.
Кандидатите за „Најдобар светски автомобил за 2016-та година“, во категоријата луксузни возила се:
„Audi Q7“
„BMW Serieѕ 7“
„Jaguar XF“
„Mercedes GLE Coupe“
„Volvo XC90“
Кандидати за „Најдобар спортски автомобил во 2016-та година“ на светот се:
„Audi R8 Coupe“
„Chevrolet Camaro“
„Honda Civic Type R“
„Land Rover Range Rover Sport SVR“
„Mercedes AMG C63 Coupe“
Кандидати за „Светски автомобил на годината со најдобри еколошки карактеристики“ се:
„BMW 330e“ (Plug-in hѕbrid)
„Chevrolet Volt“ (електромобил со продолжен радиус на движење)
„Toyota Mirai“ (водородни горивни ќелии)
„Toyota Prius“ (hybrid)
„Volkswagen Passat GTE“ (Plug-in hуbrid)
„Најдобро дизајниран автомобил за 2016-та година“ ќе биде еден од следниве модели:
„Cadillac CT6“
„Jaguar XE“
„Land Rover Discovery Sport“
„Mazda CX-3“
„Mazda MX-5“
Минатогодишните победници по категории беа: „Mercedes C-Class“ (Светски автомобил на годината), „Mercedes S-Class Coupe“ (Најдобар луксузен автомобил), „Mercedes AMG GT“ (Најдобар спортист), „BMW i8“ (Најеколошки модел) и „Citroen C4 Cactus“ (Најдобар дизајн).
Кој е вашиот фаворит за титулата „Светски автомобил на 2016-та година“, а кои модели заслужуваат победа во останатите четири категории?
