Само неколку недели откако кинескиот производител на смартфони „Lenovo“ го претстави евтиниот модел „K4 Note“, од компанијата го претставија и неговиот заменик – „K5 Note“.
Уредот се одликува со новиот 64-битен процесор со осум јадра на „Mediatek“ – „Helio P10“, како и метален дизајн. Екранот е 5.5-инчен со резолуција од 1080 пиксели, а оперативната меморија е 2 GB. Внатрешната меморија е 16 GB која може да се прошири со картичка.
Задната камерата на уредот е 13-мегапикселна, а предната со резолуција од 8 мегапиксели. Батеријата е со капацитет од 3.500 mAh, а исто така има опција за брзо полнење. Според информациите, оперативниот систем кој го користи овој смартфон е „Android 5.1 Lollipop“.
Димензиите на уредот се 152 x 75.7 x 8.49 mm, а притоа тој поддржува користење на две „SIM“ картички, како и новите 4G-мрежи. Позади е лоциран звучник со ефект „Dolby Atmos“ со моќност од 1.5 W, како и сензор за отпечатоци.
Цената на уредот е 1.099 јуани (167 долари), а според информациите од компанијата, овој смартфон прво ќе се појави на кинескиот пазар.