„AMPWare“ маската ја поврзува модерната со старата технологија и поради тоа нема повеќе потреба да се грижите дали ќе ви се исклчи мобилниот телефон.
Моментално е достапна само за сопствениците на „iPhone 6S“. Посебната карактеристика на оваа маска е тоа што има механизам за полнење на батеријата. Имено, во склоп на маската е и рачката која се извлекува и ротира. Што повеќе се ротира, толку повеќе се произведува енергија која ја полни батеријата на „iPhone 6S“.
Еден од изумителите, Марк Габриел, тврди дека со 5 минути вртење на рачката се произведува доволно енергија за еден час нормално користење на телефонот, односно 5 часа кога е во „standby“ режимот.
Покрај тоа што произведува енергија, „AMPWare“ маската го штити телефонот од гребнатинки и падови. Цената на оваа маска е 79 долари, а достапна е во црна, темно зелена и светло зелена боја.