„Volkswagen Golf“ продолжува да е најдобро продаваниот автомобил во Европа. Во 2015-та година од хечбекот се продадени 383.000 примероци, што е за 1,0% повеќе од претходната година, објави агенцијата „Jato Dynamics“.
Така „Golf“ останува на врвот по продажба на Стариот континент 7-ма година по ред. На втората позиција е „Ford Fiesta“ со 258.000 продажби (+ 2,0%), а на трето е друг модел на „Volkswagen“ – „Polo“, со 229.000 примероци (+ 8,0%). Сосема блиску е рангиран „Renault Clio“ со 224.000 единици (+ 3,0%), а во првата петорка место си обезбеди и „Opel Corsa“ со 214.000 продажби (+ 6,0%).
Во топ 10 на најпродаваните модели во Европа влегуваат уште „Peugeot 208“ (181.000), „Ford Focus“ (176.000), „Nissan Qashqai“ (167.000), „Fiat Panda“ (158.000) и „Renault Captur“ (153.000).
Кај марките повторно „Volkswagen“ е на врвот со вкупно 1,262 милиони продадени автомобили. Второто место е за „Ford“ (823.000), а третото за „Renault“ (742 000). Четвртата позиција е резервирана за рангираат „Opel/Vauxhall“ со 728.000 продадени примероци, а во првата петорка место има и за „Peugeot“, чиј резултат за 2015-та година е 647.000 возила.
