Се повеќе се појавуваат гласините за тоа што може да се очекува од новиот модел на „LG“ од популарната „G“ серија.
Најновите информации покажуваат каков може да е очекуваниот дизајн и карактеристики на премиум моделот на компанијата. Како што се гледа од сликата подолу, доколку информациите се покажат како точни, тогаш „LG“ најверојатно ќе се откаже од карактеристичната особина кај „G“ серијата, поточно копчињата за јачина на звук да се на задната страна на уредот.
Сериозна промена се очекува да претрпи и целокупниот дизајн, во споредба со претходната четврта верзија, претставена во текот на изминатата година. Најпрепознатлива нова карактеристика на уредот се очекува да е неговиот метален дизајн. Досега сите уреди од серијата „G“ беа со пластични куќишта.
Копчето за активирање на уредот се задржува на грбот, овој пат кон него ќе биде додаден сензор за отпечатоци.
Во однос на димензиите, тие се очекува да се 149.4 x 73.9 x 8.2 mm. Екранот најверојатно ќе е со „QHD“ резолуција и големина од 5.6 инчи. Процесорот се очекува да е „Snapdragon 820“, а задната камера со резолуција од 20 мегапиксели. Предната камера најверојатно ќе е од 8 мегапиксели.
