По 11 години откако се појавија на пазарот во САД, од „Mini“ соопштија дека во оваа земја неодамна го продале својот 500.000 автомобил.
Во „Mini“ (како и кај германски „BMW“ кој е сопственик на овој британски бренд) секако се задоволни и горди на овој резултат, бидејќи докажаа дека овој мал автомобил може да успее на тој пазар, иако многумина се сомневаа во тоа.
Во првата година од продажбата (2002-та година) „Mini“ на американците им испорача 24.950 автомобили, додека во 2012-та година тој број се искачи на 66.123 возила. Нормално се зголеми и бројот на модели во понудата (стандардниот „hatchback“, „Clubman“, „Cabrio“, „Countryman“, „Coupe“, „Roadster“ и најновиот „Paceman“), но и бројот на дилери. Исто така од „Mini“ најавуваат дека до крајот на оваа година ќе го зголемат и бројот на дилери на автомобили од сегашните 116 на околу 130.