Компанијата „BMW“ откри детали за најважната надградба на спектарот на модели што ќе се одржи во пролет оваа година. Повеќето модели на баварците ќе добијат нови мотори и дополнителни опции.
Во семејството на „BMW Series 4“ ќе се појави модификацијата „440i“. Како и „340i“ со која ја дели платформата, и таа ќе добие 3,0-литарски турбомотор со 6 цилиндри и моќност од 326 КС.
Моторот се комбинира со 6-брзински мануелен менувач или 8-степен автоматски, а како опција се нуди системот „xDrive“. Возилото ќе забрзува од 0 до 100 км/ч за 5 секунди, што е за 0,2 секунди побрзо од верзијата „435i“ која се потпира на 306 КС.
Седанот и караванот „BMW Series 3“ веќе ќе се нудат и во верзија „325d“ со 2,0-литарски турбодизел со 224 КС. Седанот ќе забрзува од 0 до 100 км/ч за 6,1 секунди, а караванот за 6,3 секунди.
Предводникот на сериите „3“ и „4“ – спортскиот „BMW M4 GTS“, ќе биде опремен со бандажи направени од мешавина од јаглеродни влакна и алуминиум. Тие за околу 7 кг. полесни од досегашните алуминиумски бандажи понудени за возилото.
Кај „BMW Series 2 Gran Tourer“ и „Series 7“ веќе се нудат повеќе модификации со погон на четири тркала. Освен тоа сите варијанти на „седмицата“ добиле далечински систем за паркирање.
Кабриолетите „Series 2“, „Series 3“ и „M4“ се опремени со дополнителниот пакет „Open Air“, кој додава удобност при патување со соборен покрив. Новините кај „Series 6“, како и кај кросоверите „X3“, „X4“, „X5“ и „X6“ пак влијаат врз основната опрема која е значително напредната.
Што точно ќе се случува и какви ќе бидат новитетите од страна на баварскиот производител ќе биде познато во април.