Компанијата „Samsung“ се подготвува да ја лансира новата серија на „Galaxy“ уредите наречени „Mega“.
Овие информации пристигнаа од анонимен извор од самата компанија кој говори за тоа дека двата „Galaxy Mega“ уреди се во фаза на изработка. Првиот е „Galaxy Mega 5.8“ чиј број на модел е „GT-I9152“, а очигледно се работи и за уред кој е со 5.8 инчен екран. Уште поинтересно е што другиот ќе се нарекува „Galaxy Mega 6.3“, што укажува на уред со 6.3 инчен екран, а ист таков според гласините би требало да има и „Galaxy Note III“. Неговиот број на модел е „GT-I9200“ и не одговара на „Samsung Galaxy Note“ серијата, така да се исклучува можноста дека се работи за ист уред.
„Galaxy Mega 5.8“ би требало да биде претставен до крајот на мај, додека „Galaxy Mega 6.3“ својата презентација ќе ја очекува кон средината на јуни.
