Седанот „BMW M3“, како и купето и кабриолет „М4“ веќе ќе може да се нарачаат со силно изразен спортски карактер со покачени динамички карактеристики. Ова е можно благодарение на пакетот „Competition“ развиен од „BMW M GmbH“.
Опцијата му обезбедува на 3.0-литарскиот би-турбо мотор зголемена до 450 КС максимална моќност, или за 19 КС повеќе во споредба со стандардниот агрегат. Ова овозможува побрзо забрзување, па времето до 0-100 км / час е за 0,1 сек. помалку, без разлика дали автомобилите се опремени со автоматски „M Double Clutch“ трансмисија или со рачна менувачка кутија.
Пакетот „Competition“ исто така вклучува адаптивни „M“ суспензија кои се поставени кон подобрените карактеристики на управувањето и моќноста и располага со нови пружини, амортизери и баланс штанглата со можност за прилагодување на различни режими на возење (Comfort, Sport и Sport +), покажуваат информациите од „BMW“. Вклучени во стандардната опрема се и активен „M“ диференцијал на задната оска и Динамична контрола на стабилноста (DSC), а исто се конфигурирани да одговараат на зголемената динамика.
Пакетот нуди и ексклузивни ковани, машински полирани и оптимизирани во однос на тежината и силата, 20-инчни „М“ алуминиумски тркала (предни 9J × 20; задни 10 J × 20) што имаат различна големина гуми напред и позади (предни: 265/30 R20, задни: 285/30 R20).
За „BMW M3“ седан и „BMW M4“ Купе, пакетот „Competition“ вклучува уште специјални лесни „М“ спортски седишта, како и безбедносни ремени со везени „BMW M“ ленти.
Пакетот „Competition“ ќе биде достапен на пазарот во пролетта оваа година, кога ќе бидат објавени и цените.
