„Volkswagen“ претстави теренец верзија на новиот „Tiguan“, опремена со хибриден агрегат. Пред публиката моделот со името „Tiguan GTE Active Concept“ ќе се појави на автосаемот во Детроит кој започнува денеска.
Машината е изградена врз основа на коцептот „Tiguan GTE Concept“ прикажан во есента 2015-та година во Франкфурт. Од прототипот „GTE Active“ се одликува по заштитата на каросеријата, теренските гуми и подобрената геометрија.
Во погонскиот агрегат на „Tiguan GTE Active Concept“ влегува 1,4-литарски бензински мотор со моќност од 150 КС, два електромотори со 54 КС напред и со 115 КС одзади, специјално подготвен „DSG“ менувач за работа со хибриди, како и комплет литиум-јонски батерии со капацитет од 12,4 kW / h.
Вкупната моќност на агрегатот е 225 КС, а со едно полнење на возилото може да измине 928 километри.
При стартување на погонскиот агрегат стартува само задниот електричен мотор. Возачот може самостојно да го вклучи и предниот што го претвора „GTE Active Concept“ во автомобил со 4х4. При овој режим прототипот може да помине 32 километри на електрична енергија, а брзината не смее да надминува 112 км / ч.
Електрониката на „Volkswagen Tiguan GTE Active Concept“ има неколку режими на работа. Два се за движење по стандардни патишта – комфорен и економичен, а три се за теренско – за движење по камења, песок или кал. Одделно има спортски режим, како и режим за движење по снег. Постои и режим, при што батериите се полнат од бензинскиот мотор.
Освен тоа прототипот добил „LED“ светла, специјална боја на каросеријата, дополнителни светлосни елементи на покривот и нов мултимедијален систем „MIB“. Тоа вклучува 9,2-инчен дисплеј со екран осетлив на допир, систем за управување со гестови и функција за интегрирање на мобилни уреди со системите „Android Auto“ и „Apple CarPlay“.
Сериската верзија на втората генерација на „Volkswagen Tiguan“ беше прикажана во есента минатата година во Франкфурт. Во 2017-та година се очекува да видиме и модификација на теренецот со 7 места. Се уште не е јасно кога на пазарот ќе излезе хибридната опција.
